Rasshi Khanna: అందాల‌తో మాయ చేస్తున్న రాశీఖ‌న్నా.. ఫొటోలు వైర‌ల్!

ప్ర‌స్తుతం టాలీవుడ్ లో కొనసాగుతున్న టాప్ హీరోయిన్లలో అందాల బ్యూటీ రాశీఖన్నా (Rasshi Khanna) కూడా ఒకరు. ఈ అమ్మ‌డు తన అందం, అభినయంతో ప్రేక్షకుల అభిమానాన్ని సొంతం చేసుకుంది. ఈ బ్యూటీ నాగ శౌర్య హీరోగా వ‌చ్చిన‌ ఊహలు గుసగుసలాడే సినిమా ద్వారా ఇండస్ట్రీలోకి అడుగుపెట్టింది. ఆ త‌ర్వాత రాశీ ఖన్నా జోరు, జిల్, బెంగాల్ టైగర్, హైపర్, తొలిప్రేమ, ప్రతి రోజు పండగే, జై లవ కుశ వంటి సినిమాలలో నటించి మంచి గుర్తింపు పొందింది. అయితే, ఆమె తెలుగులోనే కాకుండా బాలీవుడ్ (Bollywood), కోలీవుడ్ లో కూడా నటించి అక్కడ కూడ మంచి గుర్తింపును ద‌క్కించుకుంది. 

తన గ్లామర్, యాక్టింగ్ స్కిల్స్ తో ఈ భామ‌ కేరీర్ లో దూసుకుపోతోంది. త‌న‌కు వచ్చిన అవకాశాలను సద్వినియోగం చేసుకుంటూ వరుసగా సినిమాల్లో నటిస్తోంది. రాశీ ఖన్నా.. ఇప్పటికే హిందీలో ‘యోదా’ అనే చిత్రంలో నటిస్తోంది. అలాగే హిందీ వెబ్ సిరీస్ ‘రుద్ర’లోనూ నటించింది రాశీ. మరోవైపు తమిళ సినిమాలను కూడా వరుసగా లైనప్ చేస్తోంది. మొత్తంగా ఈ సంవ‌త్స‌రం చేతినిండా సినిమాలతో ఫుల్ బిజీగా గడుపుతోంది ఈ బ్యూటీ. కాగా, రాశీ ఖ‌న్నా చివరిగా తెలుగులో గోపీచంద్ (Gopichand) స‌ర‌స‌న ‘పక్కా కమర్షియల్’ లో నటించింది. ఈ చిత్రం జులై 1న రిలీజ్ కాబోతోంది. ప్ర‌స్తుతం ఈ సినిమా పోస్ట్‌ ప్రొడక్షన్‌ పనులు శరవేగంగా జరుగుతున్నాయి. అయితే, ఇప్పటికే విడుదలైన పక్కా కమర్షియల్‌ టీజర్‌ కు అద్భుతమైన రెస్పాన్స్‌ వచ్చింది. గేయ రచయిత సిరివెన్నెల సీతారామశాస్త్రి రాసిన టైటిల్‌ సాంగ్‌ కు కూడా అద్భుతమైన రెస్పాన్స్‌ వచ్చింది. ఈ చిత్రానికి జకేస్‌ బీజారు సంగీతాన్ని అందిస్తున్నారు. ఎస్‌కెఎన్‌ సహ నిర్మాతగా వ్యవహరించారు.

ఇదిలా ఉంటే.. సోష‌ల్ మీడియాలో చాలా యాక్టివ్‌గా ఉండే రాశీ ఖ‌న్నా (Rasshi Khanna) త‌న‌కు సంబంధించిన క్యూట్ పిక్స్ షేర్ చేస్తూ కేక పెట్టిస్తోంది. ఈ నేప‌థ్యంలోనే తాజాగా రాశీ ఖ‌న్నా ఓ ఫొటో షేర్ చేస్తూ.. నేను నా ల‌వ‌ర్ అనికామెంట్ పెట్టింది. ఈ ఫొటోలో రాశీ ఖ‌న్నా కెమెరా వైపు చూస్తూ పోజులు ఇచ్చింది. కేక పెట్టించే అందాల‌తో క‌నిపిస్తున్న‌రాశీ ఖ‌న్నా ఆ ఫోటోలో కెమెరాని త‌న ల‌వ‌ర్‌గా ఫీల‌వుతుండ‌డం విశేషం. 

నటిగా సిల్వర్ స్క్రీన్ మీద మాత్రమే కాకుండా పలు వెబ్ సిరీస్ (Webseries) లలో నటించి డిజిటల్ స్క్రీన్ మీద కూడా తన సత్తా చాటుకుంటోంది .అయితే రాశిఖన్నా బరువు తగ్గి సన్నబడ్డ తర్వాత మరింత గ్లామరస్ గా తయారవడంతో సినిమా అవకాశాలు కూడా ఎక్కువగా వస్తున్నాయి. తెగ వర్క్ అవుట్ లు చేస్తూ మంచి ఫిజిక్ ను సంపాదించుకుంది. అతి తక్కువ సమయంలో సన్నబడి తనలోని అందాలను బయట పెట్టింది. నిజానికి అవకాశాల కోసం రాశీ ఖన్నా ఇలా తయారయిందని చెప్పవచ్చు.