Regina Cassandra: రెడ్ డ్రస్ లో గ్లామర్ షో చేసిన రెజీనా కసాండ్రా.. ఫొటోలు వైరల్!

రెజీనా కసాండ్రా (Regina Cassandra) గురించి తెలుగు ప్రేక్షకులకు పరిచయం అక్కర్లేదు. ఈ బ్యూటీ 2005 నుంచి చిత్ర పరిశ్రమలో ఉంది. అయితే, ఆమె మొదటిసారిగా మెగాస్టార్ చిరంజీవి సరసన ఆచార్యలో సానా కష్టం అంటూ సాగే ఐటమ్ సాంగ్ కు ఓకే చెప్పింది. కొరటాల శివ దర్శకత్వంలో చిరంజీవి ప్రధాన పాత్రలో ఆమె, చిరుపై ఈ స్పెషల్‌ నంబర్‌ను చిత్రీకరించారు.   

కాగా, ఇటీవల రెజీనా (Regina Cassandra) ఒక ఇంటర్వ్యూలో మాట్లాడింది. ఆ ఇంటర్వ్యూలో పలు ఆసక్తికర విషయాలను పంచుకుంది. ఆచార్య సినిమాలో ప్రత్యేక గీతానికి డ్యాన్స్ చేయడంపై.. చిరంజీవి సినిమా కాబట్టే ప్రత్యేక పాటలో డ్యాన్స్ చేయడానికి అంగీకరించానని, ఇకపై ప్రత్యేక గీతాల్లో నటించబోనని తేల్చి చెప్పింది రెజీనా. ఆ పాటలో చేయడానికి ముందే చాలా ఆఫర్లు వచ్చాయని, అయితే వేటికీ తాను అంగీకారం తెలపలేదని చెప్పుకొచ్చింది. తనకు అటువంటి పాటల్లో నటించడం ఇష్టం ఉండదని చెప్పింది. 

సుధీర్‌‌బాబు (Sudheer Babu) హీరోగా నటించిన శివ మనసులో శృతి సినిమాతో టాలీవుడ్‌లోకి అడుగుపెట్టింది రెజీనా. ఈ సినిమాతో అభిమానులను సంపాదించుకున్న ఈ ముద్దుగుమ్మ మంచి అవకాశాలను చేజిక్కించుకుంది. అందం, అభినయంతో పేరు తెచ్చుకున్నా బాక్సాఫీస్‌ దగ్గర సరైన విజయం దక్కలేదనే చెప్పాలి. రొటీన్ లవ్‌ స్టోరీ, పిల్లా నువ్వు లేని జీవితం, పవర్, సుబ్రమణ్యం ఫర్‌‌ సేల్, ఎవరు, విశాల్‌ చక్ర సినిమాల్లో నటించి మంచిపేరు తెచ్చుకుంది. తెలుగుతోపాటు తమిళం, కన్నడ భాషల్లో సినిమాలు చేస్తున్న రెజీనా 1990 డిసెంబర్‌‌ 13వ తేదీన చెన్నైలో పుట్టింది. తొమ్మిది సంవత్సరాల వయసులోనే స్ప్లాష్‌ అనే కిడ్స్ చానల్‌లో యాంకరింగ్ చేసిన రెజీనా.. 2005వ సంవత్సరంలో కాండ నాల్‌ ముదాల్‌ అనే తమిళ సినిమాతో ఇండస్ట్రీలోకి అడుగుపెట్టింది.

తమిళంలో రాజతందిరం అనే సినిమా చేసిన రెజీనా తన యాక్టింగ్‌కు మంచి మార్కులు వేయించుకుంది. ఆ తర్వాత తెలుగులో సాయిధరమ్‌ తేజ్ పక్కన సుబ్రమణ్యం ఫర్ సేల్, గోపీచంద్ సరసన సౌఖ్యం, శంకర సినిమాల్లో నటించింది రెజీనా. 2019లో బాలీవుడ్‌లోకి ఎంట్రీ ఇచ్చింది ఈ తమిళ బ్యూటీ. ‘ఏక్‌ లడ్‌కీ కో దేఖా తో ఐసా లగా’ సినిమాలో నటించింది. ఇక, 2019లో ఎవరు సినిమాలో నెగెటివ్‌ రోల్‌ చేసిన రెజీనా.. ఆ సినిమాలోని నటనకుగాను విమర్శకుల ప్రశంసలు కూడా అందుకుంది. 2021లో కూడా పలు సినిమాల్లో నెగెటివ్ రోల్స్‌ చేసి మెప్పించింది.