మేజ‌ర్ (Major) సినిమా ట్రైల‌ర్ రిలీజ్ కార్య‌క్ర‌మంలో పాల్గొన్న సూప‌ర్ స్టార్ మ‌హేష్ బాబు

1 / 5

మ‌హేష్ బాబు, అడివి శేష్ (Adivi Shesh, Mahesh Babu)

టాలీవుడ్ యంగ్ హీరో అడివి శేష్ (Adivi Sesh) టైటిల్ రోల్ ప్లే చేస్తూ నటించిన తాజా సినిమా ‘మేజర్’. ఎపుడో మొద‌లైన ఈ సినిమా క‌రోనా స‌మ‌యంలోనే షూటింగ్ పూర్తి చేసుకుంది. పాన్ ఇండియా మూవీగా వస్తున్న ఈ సినిమా కరోనా సెకండ్ వేవ్ కారణంగా అన్ని సినిమాల మాదిరిగానే వాయిదా పడింది.

Photo Credit : PINKVILLA

2 / 5

స‌యీ మంజ్రేక‌ర్, మ‌హేష్ బాబు (Saiee Manjrekar, Mahesh Babu)

ఈ సినిమాను ముందుగా ఫిబ్రవరి 11న దేశ వ్యాప్తంగా విడుదల చేస్తున్నట్టు ప్రకటిస్తూ ఇప్ప‌టికే ఓ మేకింగ్ వీడియోను రిలీజ్ చేశారు. అయితే, ఓమిక్రాన్ కారణంగా ఈ సినిమాను మరోసారి వాయిదా వేస్తున్నట్టు ప్రకటించారు. ఇక‌, కరోనా కేసులు తగ్గడంతో ‘మేజర్’ మూవీ కొత్త రిలీజ్ డేట్ ప్రకటించారు. ఈ నేప‌థ్యంలోనే ఈ మూవీని మే 27న విడుదల కానున్నట్లు ప్రకటించారు. అయితే, మరోసారి వాయిదా వేస్తూ.. చివ‌రిగా ఈ చిత్రాన్ని జూన్ 3న విడుదల చేస్తున్నట్లు ఇటీవ‌లే ప్రకటించారు.

Photo Credit : PINKVILLA

3 / 5

'మేజ‌ర్' ట్రైల‌ర్ లాంఛ్ కార్య‌క్ర‌మంలో మ‌హేష్ బాబు, అడివి శేష్ (Adivi Shesh, Mahesh Babu)

దీంతో ప్రమోషన్స్‌లో భాగంగా ఈ చిత్రం నుంచి తాజాగా ట్రైలర్ (Major Trailer) విడుదలైంది. ట్రైల‌ర్ కూడా మంచి రెస్పాన్స్‌ను దక్కించుకుంటోంది. తాజాగా విడుద‌లైన‌ ట్రైలర్ ఓ రేంజ్‌లో ఉందని చెప్పవ‌చ్చు. దేశ‌భ‌క్తి ఎమోషన్స్‌తో కేక పెట్టిస్తుందని అంటున్నారు నెటిజన్స్.

Photo Credit : PINKVILLA

4 / 5

'మేజ‌ర్' ట్రైల‌ర్ లాంఛ్ కార్య‌క్ర‌మంలో మ‌హేష్ బాబు, అడివి శేష్ (Adivi Shesh, Mahesh Babu)

ఇక‌, ఈ సినిమాలో 26/11 ముంబ‌యి దాడుల్లో దేశం కోసం ప్రాణాలను అర్పించిన మేజర్ సందీప్ ఉన్నికృష్ణన్ (Major Sandeep Unnikrishnan) జీవితాన్ని చూపించనున్నారు. ఇందులో అడివి శేష్‌తో పాటు సయీ మంజ్రేకర్, శోభితా ధూళిపాళ్ల‌, ప్రకాష్ రాజ్, మురళీ శర్మ కనిపించారు. ఈ మూవీకి శ్రీ చరణ్ పాకాల సంగీతం అందించారు. కాగా, ఈ సినిమాను సోనీ పిక్చర్స్ ఫిల్మ్స్ ఇండియా‌తో పాటు GMB ఎంటర్‌టైన్‌మెంట్, A+S మూవీస్ పతాకాలపై సంయుక్తం నిర్మించారు. పాన్ ఇండియా రేంజ్ లో తెలుగుతో పాటు హిందీ, మలయాళం వంటి మూడు భాషల్లో ఈ చిత్రాన్ని విడుదల చేస్తున్నారు.

Photo Credit : PINKVILLA

5 / 5

స‌యీ మంజ్రేక‌ర్, మ‌హేష్ బాబు (Saiee Manjrekar, Mahesh Babu)

తాజాగా ఈ చిత్ర ట్రైల‌ర్ విడుద‌ల సంద‌ర్భంగా సూపర్ స్టార్ మ‌హేష్ బాబు పాల్గొన్నారు. ఆ కార్య‌క్రమంలో మ‌హేష్ తో పాటు ప‌లువురు ప్ర‌ముఖులు పాల్గొన్నారు. ఆయా భాషల్లోని ముగ్గురు స్టార్ హీరోల చేతుల మీదుగా ఈ చిత్ర ట్రైలర్ రిలీజ్ అయ్యింది. తెలుగులో మేజర్ చిత్ర ట్రైలర్‌ను సూపర్ స్టార్ మహేష్ బాబు లాంఛ్ చేయనున్నాడు. అటు హిందీలో బాలీవుడ్ స్టార్ హీరో సల్మాన్ ఖాన్ చేతుల మీదుగా ట్రైలర్ లాంఛ్ అయింది. ఇక‌ మలయాళంలో స్టార్ హీరో పృథ్వీరాజ్ సుకుమారన్ చేతుల మీదుగా ఈ చిత్ర మలయాళ ట్రైలర్‌ రిలీజ్ అయ్యింది.

Photo Credit : PINKVILLA