Hero Ram : టాలీవుడ్ యంగ్ హీరో రామ్ పోతినేని బ‌ర్త్ డే సెల‌బ్రేష‌న్స్.. ఫొటోలు వైర‌ల్!

టాలీవుడ్ యంగ్ హీరో రామ్ పోతినేని (Hero Ram) హీరోగా ప్ర‌స్తుతం లింగుస్వామి దర్శకత్వంలో ఓ సినిమా తెరకెక్కుతోంది. ది వారియర్ అనే టైటిల్ తో రాబోతున్న ఈ మూవీలో ఉప్పెన బ్యూటీ కృతి శెట్టి హీరోయిన్ గా నటిస్తోంది. కాగా, ఈ సినిమా  షూటింగ్ భాగం దాదాపు పూర్తయింది. దీంతో ప్రస్తుతం ఈ మూవీ పోస్ట్ ప్రొడక్షన్ పనులు శరవేగంగా జరుగుతున్నాయి. ఈ నేపథ్యంలో ఈ చిత్రం త్వరలో విడుదల చేయాలని యూనిట్ భావిస్తోంది. ఇదిలా ఉండగా సినిమాపై క్రేజ్ పెంచే విధంగా చిత్రబృందం ఒక్కొక్క అప్డేట్ ను ఒక్కో రోజు విడుదల చేస్తోంది. ఇప్పటికే పలు ఫస్ట్ లుక్ పోస్టర్స్ తో ప్రేక్షకులను ఎంతగానో అలరించిన ఈ సినిమా టీజర్ తాజాగా విడుదలయింది. 

ఇదిలా ఉంటే.. తాజాగా హీరో రామ్ (Hero Ram) పుట్టిన రోజు సంద‌ర్భంగా ఆయ‌న అభిమానులు వినూత్న రీతిలో సెల‌బ్రేష‌న్స్ నిర్వ‌హించారు. ఆ ఫొటోలు ప్ర‌స్తుతం సోష‌ల్ మీడియాలో వైర‌ల్ అవుతున్నాయి. మ‌రోవైపు హీరో రామ్‌, ద‌ర్శ‌కుడు హ‌రీష్ శంక‌ర్ కాంబోలో ఓ సినిమా రూపొంద‌నున్న‌ట్లు వార్త‌లు వినిపిస్తున్నాయి. 

కాగా, సినీ ప‌రిశ్ర‌మ‌లో కొన్ని కాంబినేష‌న్స్ ఎల్లప్పుడూ ఆస‌క్తిని రేకెత్తిస్తుంటాయి. అలాంటి వాటిలో వీరిద్ద‌రి క‌ల‌యిక కూడా ఒక‌టిగా చెప్ప‌వ‌చ్చు. అయితే, రామ్.. కెరీర్ ఆరంభం నుంచి ఒకే జోన‌ర్‌కు ప‌రిమిత‌మైపోకుండా ల‌వ్ స్టోరీస్, మాస్ ప్ర‌యోగాల‌తో హీరోగా త‌న‌ వైవిధ్య‌త‌ను చాటుకున్నారు. మ‌రోవైపు (Director Harish shankar) హ‌రీష్‌శంక‌ర్‌.. మాస్ హంగుల‌తో పాటు హీరోయిజాన్ని వెండితెర‌పై ప‌వ‌ర్‌ఫుల్‌గా ఆవిష్క‌రిస్తుంటారు. హ‌రీష్ శంక‌ర్ శైలిలోనే మాస్ మ‌సాలా యాక్ష‌న్ అంశాలతో ఫుల్ టైమ్ ఎంట‌ర్‌టైన‌ర్‌గా ఈ సినిమా తెర‌కెక్క‌బోతున్న‌ట్లు స‌మాచారం. 

ఇక‌, ప్ర‌స్తుతం ఈ సినిమాకు సంబంధించిన‌ స్క్రిప్ట్ డిస్క‌ష‌న్స్ జ‌రుగుతున్న‌ట్లు తెలుస్తోంది. ద‌ర్శకుడు హ‌రీష్ శంక‌ర్ (Director Harish shankar) చెప్పిన పాయింట్ న‌చ్చ‌డంతో రామ్ ఈ చిత్రానికి గ్రీన్‌సిగ్న‌ల్ ఇచ్చిన‌ట్లు స‌మాచారం. ఇక‌, హ‌రీష్‌శంక‌ర్ ప్ర‌స్తుతం ప‌వ‌న్‌క‌ళ్యాణ్‌తో భ‌వ‌దీయుడు భ‌గ‌త్‌సింగ్ సినిమాను తెర‌కెక్కిస్తున్నారు.