Kiran Abbavaram: కిర‌ణ్ అబ్బ‌వరం హీరోగా 'రూల్స్ రంజన్'.. పూజా కార్య‌క్ర‌మంలో పాల్గొన్న డైరెక్ట‌ర్ క్రిష్!

టాలీవుడ్ ఇండ‌స్ట్రీలో ఇప్పుడిప్పుడే ఎదుగుతున్న యంగ్ హీరో కిరణ్ అబ్బవరం (Kiran Abbavaram). ఆయ‌న ప్ర‌స్తుతం వరుస సినిమాలతో బిజీబిజీగా ఉన్నాడు. ఇటీవల 'సెబాస్టియన్‌ పీసీ 524'తో ఆకట్టుకున్న కిరణ్‌ అంతకుముందు 'ఎస్‌ఆర్‌ కల్యాణమండపం' సినిమాతో హిట్‌ కొట్టాడు. 'సెబాస్టియన్‌ పీసీ 524' మూవీ రిలీజ్ అయిన సమయంలో పెద్ద చిత్రాల సందడి ఉండటంతో పెద్దగా ఆకట్టుకోలేకపోయింది. అయినా కిరణ్ యాక్టింగ్ కు మాత్రం మంచి మార్కులే పడ్డాయి. తాజాగా 'సమ్మతమే' సినిమా చేస్తున్న సంగ‌తి తెలిసిందే. కెరీర్ ప్రారంభంలో షార్ట్ ఫిల్మ్స్ తీస్తూ మంచి గుర్తింపు  పొందిన ఈ హీరో.. వచ్చిన అవకాశాలను సద్వినియోగం చేసుకుంటూ హీరోగా ఎదుగుతున్నాడు. కిరణ్ తొలిచిత్రం ‘రాజా వారు రాణి గారు’తో ఇండస్ట్రీకి ఎంట్రీ ఇచ్చాడు. 

తాజాగా కిరణ్ అబ్బవరం (Kiran Abbavaram) మరో చిత్రానికి కిరణ్ శ్రీకారం చుట్టాడు. ఎఎం రత్నం సమర్పణలో శ్రీ సాయి సూర్య మూవీస్, స్టార్ లైట్ ఎంటర్‌టైన్‌మెంట్ పతాకంపై 'రూల్స్ రంజన్' సినిమాను అనౌన్స్ చేశాడు. ఈ మూవీ షూటింగ్ తాజాగా హైదరాబాద్‌లో ప్రారంభమైంది. మూవీ పూజా కార్యక్రమాలలో సినీ ప్రముఖులు పాల్గొన్నారు. 

ఇక‌, ఈ కార్య‌క్ర‌మానికి ముఖ్య అతిథిగా ప్రముఖ దర్శకుడు క్రిష్ (Director Krrish) హాజరయ్యారు. హీరో కిరణ్ పై చిత్రీకరించిన తొలి ముహూర్తపు సన్నివేశానికి ఆయన క్లాప్ కొట్టారు. దర్శక, నిర్మాత ఏఎం రత్నం స్క్రిప్ట్ అందించి కెమెరా స్విచ్ ఆన్ చేశారు. శుక్రవారం నుంచి రెగ్యూలర్ షూటింగ్ జరుగుతుందని మూవీ మేకర్స్ తెలిపారు. రత్నంకృష్ణ దర్శకత్వం వహిస్తున్న ఈ సినిమాలో వెన్నెల కిషోర్, హిమాని, వైశాలి, ఆశిష్ విద్యార్థి, అజయ్ ఇతర పాత్రల్లో నటిస్తున్నారు.  

ఇత‌ర పాత్ర‌ల్లో జయవాణి, ముంతాజ్, సత్య, అన్ను కపూర్ (బాలీవుడ్), సిద్ధార్థ సేన్ (బాలీవుడ్), అతుల్ పర్చురే (బాలీవుడ్), ఆశిష్ విద్యార్థి, అజయ్, గోపరాజు రమణ, జెమినీ సురేష్, తులసి, మనోహర్ సింగ్ నటిస్తున్నారు. కో డైరెక్టర్ గా శ్రీకాంత్, కో ప్రొడ్యూసర్ గా రింకు కుక్రెజ వ్యవహరిస్తున్నారు. డీఓపీ బాధ్యతలను దులీప్ కుమార్ చూస్తుండగా, మ్యూజిక్ డైరెక్టర్ అమ్రేష్ గణేష్ సంగీతం అందిస్తున్నారు.